Ang iglesya wala na sa yuta sa panahon sa Milenyo, tungod kay ang takna alang sa Iyang pagkanaug gikan sa langit ingon nga usa ka pangasaw-onon wala pa man moabot (basaha sa Pinadayag 21-22). Dugang pa, ang buhat sa pagluwas ni Kristo alang sa katawhan wala pa usab mahuman. Iya kining pagatumanon sa katapusan sa Iyang paghari sa milenyong gingharian. Niana unyang maong panahon tumanon Niya ang Iyang saad alang sa iglesya, nga mao ang paghimo niini nga uban Kaniya hangtod sa kahangtoran. Sa atopa, ang kasal tali ni Kristo ug sa iglesya mahinabo sa bag-ong yuta (palihog basaha sa Pinadayag 21:1-2, 9-11, 22-23). Ang bag-ong kalibutan mao kining atong kalibutan karon nga pagabag-ohon pinaagi sa kalayo (2 Pedro 3:7-13).
1
Taga-Corinto 15:24-28 naghulagway sa kataposang buhat nga
pagabuhaton ni Ginoong Jesus sa dili pa Siya makigtakdo sa iglesya
ingon nga usa. "Ug
unya magaabut ang katapusan, inigtugyan na niya sa gingharian ngadto
sa Dios ug Amahan, tapus niya mawagtang ang tanang pamuno-an ug
tanang kamandoan ug kagahum. Kay kinahanglan magahari siya hangtud
nga ang tanang mga kaaway niya ikabutang na niya diha sa ilalum sa
iyang mga tiil.
Ug ang katapusang kaaway nga pagalaglagon mao ang
kamatayon. "Kay ang Dios magapahiluna sa tanang mga butang aron
kini mahisakop niya ilalum sa iyang mga tiil." Apan sa pag-ingon
niini nga, "Ang tanang mga butang gipahiluna nga mahisakop
ilalum kaniya," tataw nga wala mahilakip niini ang Dios nga mao
ang nagapahiluna sa tanang mga butang sa ilalum niya. Ug sa diha nga
mahisakop na ang tanang mga butang ilalum kaniya, nan, ang Anak
pagasakopon usab ilalum kaniya nga mao ang nagapahiluna sa tanang mga
butang ilalum kaniya, aron ang Dios mahimong tanan ngadto sa tanan."
Ihatag ni Jesus ang Iyang gingharian ngadto sa Dios Amahan, ug ingon
nga usa ka anak, ipasakop Niya ang Iyang kaugalingon sa Iyang Amahan,
aron nga ang Dios na mao ang tanan ug tanan. "Ug Siya miingon
kanako, 'NATAPOS NA!' Ako mao ang Alfa ug ang Omega, ang sinugdanan
ug kataposan' (bersikulo 21:6). Ang iglesya mahimutang unya sa
Bag-ong Jerusalem, ang Balaang Siyudad, ang Tabernakulo sa Dios, nga
ipahimutang sa Bag-ong Kalibutan. Human sa pagsakgaw, ang iglesya
pagadad-on sa langit, atubangan sa trono sa Dios (girepresentahan sa
24 ka mga anciano), hangtod sa panahon nga siya monaug uban sa Dios
ingon nga pangasaw-onon ni Kristo sa bag-ong kalibutan. Kining tanan
mahinabo sa Bag-ong Jerusalem, diin ang trono sa Dios nga Amahan
mahimutang uban usab sa Iyang mga manolunda (bersikulo 21:3, 22-23,
22:1-3).
Ang Pinadayag 21:3-4, 24-26 naghulagway sa dapit nga mahimutangan sa tanang kanasuran nga giluwas (sila nga naggikan sa milenyu). Dili man sila mahimong bahin sa Balaang Siyudad, apan maglibot sila niini. Ang Ginoo maoy mahimo nilang Ginoo, ug sila Iyang katawhan.