Ang Katapusang Kapanahonan

Ang Katapusang Gubat

Ang Pinadayag 19:11-21 (tan-awa usab ang bersikulo 14:14-20) nagahulagway sa pagbalik ni Kristo nganhi sa yuta sa Iyang ikaduhang pag-anhi. Si Jesus moabot ingon nga usa ka tawong manggugubat. Tapos Niya mabuntog si Satanas (ang dragon), ang Antikristo (ang mapintas nga mananap) ug ang iyang kasundalohan, diha sa walog sa Armageddon (bersikulo 16:16), ang Ginoo mopahimutang sa Iyang mga tiil diha sa Bungtod sa mga Olivo diha sa Jerusalem. Mao unya kini ang pinakadakong gubat sa tanang kapanahonan. Ang kasundalohan sa Antikristo nga mangamatay mokabat sa duha ka gatos ka milyon ka mga tawo (bersikulo 9:13-16). Ang Antikristo ug ang Mini nga Propeta igatambog ngadto sa linaw nga kalayo (bersikulo 19:20). Kini nga gubat maoy magatimaan sa katapusan sa Dakung Kasakitan. Unya "Ang Anak sa Tawo magapadala unya sa iyang mga manolunda, ug ilang tapukon ug hakuton pagawas sa iyang gingharian ang tanang hinungdan sa pagpakasala ug ang tanang mga magbubuhat ug kadautan, ug ilang igasalibay kini sila ngadto sa hudno nga magadilaab. Didto ang mga tawo manag-panghilak ug managkagot sa ilang mga ngipon. Unya ingon sa Adlaw mosidlak ang mga matarung didto sa gingharian sa ilang Amahan. Ang may mga dalunggan nga makadungog, kinahanglan magpatalinghug!" (Mateo 13:41-43).

Next: Ang Milenyo